मुख्य समाचार
पार्टीभित्रको आन्तरिक विवादमा तटस्थ बसेका नेताहरूलाई आफ्नो मत स्पष्ट पार्न आग्रह
पार्टीभित्रको आन्तरिक विवादमा तटस्थ बसेका नेताहरूलाई आफ्नो मत स्पष्ट पार्न आग्रह

। नेपाली कांग्रेसका पूर्वमहामन्त्री कृष्णप्रसाद सिटौलाले पार्टीभित्रको आन्तरिक विवादमा तटस्थ बसेका नेताहरूलाई आफ्नो मत स्पष्ट पार्न आग्रह गरेका छन् ।

मंगलबार पूर्वसभापति शेरबहादुर देउवा पक्षधरको मोरङ जिल्ला अधिवेशनलाई सम्बोधन गर्दै सिटौलाले पार्टी र घरभित्र विवाद हुँदा तटस्थताले कतै पनि पार नलाग्ने बताउँदै तटस्थ बसेका नेताहरूबाट सक्रियता र साथ आवश्यक रहेको बताएका हुन् ।

सिटौलाले भाषणका क्रममा कसैको नाम भने लिएनन् । तर उनको संकेत पूर्वउपसभापति पूर्णबहादुर खड्का र नेता डा. शेखर कोइरालालक्षित थियो । दुई नेता दुवै पक्षको महाधिवेशन प्रक्रियाबाट अलग छन् ।

‘केही साथीहरू, होनहार राम्रा नेता साथीहरू अहिले तटस्थ बसेको देखिनुहुन्छ,’ सिटौलाले भने, ‘पार्टीभित्र, घरभित्र विवाद भएपछि तटस्थताले कहिँ पनि पार लाउन सकिन्न । आफ्नो मत जाहेर गर्नुपर्छ, गर्नुस् । हामीले गलत गरेका छौँ भने भन्नुस् ।’


गगन थापा नेतृत्वमा संस्थापन पक्षले असोजमा १५औँ महाधिवेशन सम्पन्न गरिसकेको छ । अहिले देउवा पक्षले नियमित १५औं महाधिवेशनका नाममा समानान्तर अधिवेशन प्रक्रिया अघि बढाइरहेको छ ।

यी दुवै प्रक्रियामा सहभागी नभएका खड्का र कोइराला अहिले गुटगत प्रतिस्पर्धाबाट अलग छन् । कोइरालाले बरु विभाजित दुवै समूहलाई पुन: एक ठाउँमा ल्याउन पार्टी एकताको देशव्यापी अभियान सञ्चालन गर्ने तयारीमा छन् ।

पार्टीको इतिहास, सङ्घर्ष र बलिदानको जगमा उभिएर स्वाधीन, बलियो र प्रगतिशील नेपाल निर्माण गर्न चाहेको उल्लेख गर्दै सिटौलाले तटस्थ बस्नुको कारणमाथि प्रश्न उठाए ।

‘तपाईँ यस्तोमा किन तटस्थ बस्नुहुन्छ ? तपाईँको तटस्थताले पनि हामीलाई केही समस्या भएको छ । तपाईँको सक्रियता हामी देख्न चाहन्छौँ, तपाईँको हामी साथ चाहन्छौँ,’ सिटौलाले भने ।

सिटौलाले विगतमा विशेष महाधिवेशन गलत थियो भनेर हस्ताक्षर गर्ने तर पछि बिस्तारै त्यतैतिर लागेका केन्द्रीय नेताहरूप्रति पनि असन्तुष्टि पोखे ।

उनले गत वर्ष भदौ २४ को लुटपाट, आगजनी र तोडफोड तथा विशेष महाधिवेशन दुवैलाई राजनीतिक, वैधानिक र कानुनी कुनै पनि दृष्टिले जायज मान्न नसकिने दाबी गरे ।

विशेष महाधिवेशनको बाटोबाट ‘सानेपा कब्जा गर्न पुगेका’ नेताहरूले कुनै बहादुरी नगरेको र हतारमा पार्टी कब्जा गर्न खोज्दा उल्टै ‘दलदलमा फसेको’ उनको आरोप छ ।

प्रतिक्रिया दिनुहोस्
अन्य समाचारहरु
। चर्को आवाज निकाल्ने, साइलेन्सर मोडिफाइ गर्ने तथा साइलेन्सरबाट आगोको झिल्कासमेत निकाल्ने बुलेट लगायतका मोटरसाइकलविरुद्ध ट्राफिक प्रहरीले विशेष अभियान सञ्चालन गरेको छ। काठमाडौं उपत्यका ट्राफिक प्रहरी कार्यालय रामशाह पथले ‘बुलेट अपरेसन’ अभियान अन्तर्गत नियमविपरीत स्वरूप परिवर्तन गरी सञ्चालन गरिएका ४०१ वटा मोटरसाइकल नियन्त्रणमा लिएको छ । मोटरसाइकलको साइलेन्सर परिवर्तन गरी ठूलो आवाज निकाल्ने, सडकमा ध्वनि प्रदूषण गर्ने ...
: नेपाल पत्रकार महासंघले प्रेस तथा अभिव्यक्ति स्वतन्त्रताको संरक्षणप्रति सरकारले अनुदार व्यवहार देखाएको र पत्रकारहरूको श्रम अधिकार उल्लंघन भएको भन्दै चरणबद्ध आन्दोलनका कार्यक्रम घोषणा गरेको छ। मगंलबार महासंघका महासचिव रामप्रसाद दाहालद्वारा जारी विज्ञप्तिमा समाचार कक्षमै प्रहरी प्रवेश गरी पत्रकारमाथि धरपकड गरिएको, प्रेस स्वतन्त्रता नियन्त्रण गर्ने मनसायले प्रेस काउन्सिल ऐनसम्बन्धी अध्यादेश जारी गर्ने प्रयास भइरहेको तथा सञ्चारमाध्यमको ...
। ललितपुरबाट ठूलो रकमसहित तीन जना पक्राउ परेका छन् । काठमाडौं उपत्यका अपराध अनुसन्धान कार्यालयको टोलीले तीन जनालाई पक्राउ गरेको हो । पक्राउ पर्नेहरूमा भोजपुर नगरपालिका–३ घर भएका ३० वर्षीय दीपक खड्का, गोदावरी नगरपालिका–१० का ३२ वर्षीय जयराम केसी र काठमाडौं–१० नयाँ बानेश्वरका २९ वर्षीय प्रज्वल रिजाल रहेको अपराध अनुसन्धान कार्यालयका एसएसपी सन्तोष खड्काले बताए । १ ...
। वैदेशिक रोजगारीको प्रलोभनमा विदेश पुर्‍याएर बेचबिखन तथा शोषणमा पारिएका नेपालीको उद्धार र विदेशमा मृत्यु भएकाहरूको शव स्वदेश ल्याउन महिनौं लाग्ने गरेको विषय संसदीय समितिमा उठेको छ । सांसदहरूले सरकारी निकायबीच समन्वय अभाव, झन्झटिलो प्रशासनिक प्रक्रिया र कानुनी अस्पष्टताका कारण पीडित तथा तिनका परिवारले थप सास्ती भोग्नुपरेको भन्दै यो विषय उठाएका हुन् । मंगलबार प्रतिनिधिसभा अन्तर्गतको महिला ...
: मानेभञ्ज्याङ गाउँपालिका-७, टोकसेलमा प्रादेशिक अस्पताल तथा मेडिकल कलेज निर्माणको माग गर्दै सुरु भएको आमरण अनसन पाँचबुँदे सहमतिसँगै स्थगित भएको छ। वर्षौंदेखि जग्गा उपलब्ध गराइए पनि राज्यको बेवास्ताका कारण अस्पताल निर्माणको काम अघि नबढेको भन्दै स्थानीय स्तरमा चर्को असन्तुष्टि देखिएको थियो। यसअघि स्थानीय बासिन्दाले आफ्नो मागको सुनुवाइ नभएको भन्दै निर्वाचन समेत बहिष्कार गरेका थिए। विगतमा भएको ...