मुख्य समाचार
पार्टीपंक्तिलाई निराश नहुन आग्रह
पार्टीपंक्तिलाई निराश नहुन आग्रह

। सक्रिय राजनीतिमा फर्किएपछि पहिलोपटक पार्टीको ठूलो फोरमलाई सम्बोधन गरेकी पूर्वराष्ट्रपति विद्यादेवी भण्डारीले पार्टीपंक्तिलाई निराश नहुन आग्रह गरेकी छन् ।

बबरमहलमा जारी राष्ट्रिय कार्यकर्ता भेलालाई सम्बोधन गर्दै भण्डारीले एउटा निर्वाचनको हारले राजनीतिक आन्दोलनको भविष्य निर्धारण नगर्ने भएकाले निराश नहुन आग्रह गरेकी हुन् । ‘एउटा निर्वाचनको हारले राजनीतिक आन्दोलनको भविष्य निर्धारण गर्दैन,’ भण्डारीले भनिन्, ‘तर हारबाट सही पाठ सिक्नु र कमजोरीहरु सच्याउँदै अघि बढ्नु हाम्रो दायित्व हो ।’

गत २१ फागुनको निर्वाचनको नतिजालाई अस्थायी धक्काको संज्ञा दिएकी छन् । ‘अहिले हामीले भोगेको धक्का अस्थायी हो,’ बरिष्ठ नेता भण्डारीले भनिन्, ‘त्यसैले निराश भएर निष्कृय बस्ने होइन, विगतका अनुभव र ऐतिहासिक विरासतबाट शिक्षा लिदै नयाँ ‌ऊर्जा, उत्साह र आत्मविश्वासका साथ अघि बढ्नुपर्छ ।’

गत वर्षको जेनजी आन्दोलनबाटै एमाले पंक्तिमा निराशा उत्पन्न भएको पनि उनले सम्झिएकी छन् । ‘हो, गत वर्षा भदौ २३ र २४ गते मुलुकमा घटेका घटनाक्रम तथा तथा फागुन २१ गते सम्पन्न आमनिर्वाचनमा पार्टीले बेहोर्नु परेको धक्काले नेता तथा कार्यकर्तामा केही निराशा उत्पन्न गरेको हुन सक्छ,’ उनले भनिन् ।


तर विगतका धक्काहरु सम्झिएर यो चुनौतीको सामना गर्ने शक्ति आर्जन गर्न सकिने निष्कर्ष पनि भण्डारीले सुनाएकी छन् । ‘सन् १९९० को दशमा विश्व कम्युनिष्ट आन्दोलनले गम्भीर धक्का व्यहोरेको अवसथामा पनि हामीले पलायनको बाटो रोजेनौं, बरु आन्दोलनलाई थप लोकप्रिय, सशक्त र व्यापक बनाउँदै अघि बढ्यौं,’ भण्डारीले भनिन् ।

गत निर्वाचनको नतिजालाई पनि सच्याउन सकिने उनको विश्वास छ । ‘हारबाट पाठ सिक्नु र कमजोरीहरु सच्याउँदै अघि बढ्नु हाम्रो दायित्व हो,’ भण्डारीले भनिन् ।



‘राजनीतिमा थकाइ भन्ने शब्दावली हुँदैन’ भन्ने मदन भण्डारीको भनाइ उदृत गर्दै भण्डारीले स्थानीय निर्वाचनको तयारीमा जुट्न आग्रह गरेकी छन् । ‘निकट भविष्यमा हुने स्थानीय तह सहितका निर्वाचनलाई समेत ध्यानमा राख्दै हाम्रा नीति, योजना र कार्यक्रम जनता समक्ष पुर्याउनु पर्दछ,’ भण्डारीको आग्रह छ ।

चुनावी तयारी गर्दा जनताको विश्वासलाई प्राथमिकतामा राख्न पनि उनको सुझाव छ । ‘जनताको विश्वास नै हाम्रो सबैभन्दा ठूलो राजनीतिक पुँजी हो । त्यो विश्वास हाम्रो विचार, व्यवहार, कार्यशैली र जनताको जीवनमा ल्याउने सकारात्मक परिवर्तनबाट अवश्य आर्जन गर्न सकिन्छ,’ भण्डारीले भनेकी छन् ।

कुनै पदीय मोहले सक्रिय राजनीतिमा फर्किएको होइन : भण्डारी

यसबीच बरिष्ठ नेता भण्डारीले कुनै पदीय मोहका निम्ति सक्रिय राजनीतिमा नफर्किएको बताएकी छन् । कार्यकर्ता भेलालाई सम्बोधन गर्दै भण्डारीले भनिन्, ‘साँच्चै भन्ने हो भने अब म कुनैपनि पदप्रति निष्पृह जस्तै भएको छु । किनकि मैले राष्ट्रपति जस्तो मुलुकको सर्वोच्च ओहोदा हासिल गरिसकेको छु ।’

सक्रिय राजनीतिमा फर्कनुमा भने मातृ पार्टी एमालेको वैचारिक विकास, संगठनात्मक सुदृढीकरण, सामाजिक–आर्थिक रुपान्तरणमा योगदान पुर्याउने उद्देश्य रहेको बताएकी छन् । सात वर्षे राष्ट्रपतिको कार्यकालमा संवैधानिक दायरा र मर्यादाभित्र रहेकार काम गरेको दावी पनि गरेकी छन् ।

‘म राष्ट्रपतिको भूमिकामा रहँदा संवेधानिक दायरा र मर्यादाभित्र रहेर देश र जनताको हितमा आफूले सम्पादन गरेका असल कार्यहरु सबैका सामू छर्लङ्ग छन्,’ भण्डारीले भनेकी छन् ।

प्रतिक्रिया दिनुहोस्
अन्य समाचारहरु
। नेपाल विद्युत् प्राधिकरणले द्विपक्षीय मध्यकालीन विद्युत बिक्री सम्झौता अन्तर्गत निर्यातका लागि स्वीकृतिप्राप्त जलविद्युत् आयोजनाबाट उत्पादित ५ सय ९४ मेगावाट विद्युत् भारतीय ऊर्जा एक्स्चेन्ज (आईएक्स) मा बिक्री गर्न अनुमतिप्राप्त गरेको छ । भारतको विद्युत् मन्त्रालय अन्तर्गत केन्द्रीय विद्युत् प्राधिकरणले मध्यकालीन विद्युत् बिक्री सम्झौता अन्तर्गत स्वीकृत आयोजनाहरूको विद्युत् आईएक्सको डेअहेड तथा रियल टाइम मार्केटमा बिक्री गर्न मंसिर ...
। नेपाली कम्युनिस्ट पार्टीका नेता बर्षमान पुनले सत्तारुढ दल रास्वपाभित्र पार्टी सभापति रवि लामिछाने र प्रधानमन्त्री वालेन्द्र शाह (बालेन)बीच संघर्ष चलिरहेको बताएका छन् । दैलेखमा आयोजित नेकपाको राष्ट्रिय जागरण तथा प्रशिक्षणलाई सम्बोधन गर्दै उनले यस्तो बताएका हुन् । ‘अहिले देखिराख्नुभएको छ । खासमा रास्वपामा संघर्ष छ, प्रधानमन्त्री र सभापति बीचमा’ उनले भने । रास्वपाभित्रको संघर्ष बाहिर समेत ...
। दाङको लमही नगरपालिका–९ शिवखोलानजिक पूर्व–पश्चिम राजमार्गमा यात्रुवाहक बस दुर्घटना हुँदा २२ जना घाइते भएका छन् । बिहीबार बिहान करिब साढे ८ बजेको समयमा उक्त दुर्घटना भएको थियो । नेपाल प्रहरीको केन्द्रीय समाचार कक्षका अनुसार, बुटवलबाट लुम्बिनी भ्रमण गरी कोहलपुर फर्कँदै गरेको भे १ ख ३१३० नम्बरको बस दुर्घटना भएको थियो । दुर्घटनामा परी घाइते भएका २२ जना ...
। नेपाली सेनाको जनसम्पर्क तथा सूचना निर्देशनालयका निर्देशक एवं प्रवक्ताको जिम्मेवारी सहायक रथी राजेन्द्र श्रेष्ठले सम्हालेका छन् । श्रेष्ठले बिहीबार (मंसिर ३) देखि प्रवक्ताको जिम्मेवारी औपचारिक रूपमा सम्हालेका हुन् । यसअघि प्रवक्ताको जिम्मेवारीमा रहेका सहायक रथी राजाराम बस्नेत थिए । उनलाई प्रधानसेनापतिको सैनिक सहायकमा सरुवा गरिएको छ । बस्नेतले गत वर्ष असारमा प्रवक्ताको जिम्मेवारी सम्हालेका थिए ।
। भारतका लागि नेपाली राजदूत डा. निश्चलनाथ पाण्डेले ओहदाको प्रमाणपत्र बुझाएका छन् । भारतकी राष्ट्रपति द्रौपदी मुर्मुलाई बिहीबार उनले ओहदाको प्रमाणपत्र बुझाएका हुन् । प्रधानमन्त्री बालेन्द्र शाहको भारत भ्रमणको तयारी भइरहेकाले दुई दिन अघि जिम्मेवारी सम्हाल्न पाण्डे नयाँ दिल्ली पुगेका थिए । उनलाई लगत्तै ओहदाको प्रमाणपत्र बुझाउने अवसर मिलेको हो । प्रधानमन्त्री शाहको भ्रमण आउँदो आइतबार ...