मुख्य समाचार
पार्टीको लोकप्रिय मत २८ प्रतिशतबाट घटेर १४–१५ प्रतिशतमा सीमित हुनुमा आफ्नै कार्यशैली र आन्तरिक कमजोरी जिम्मेवार रहेको स्वीकार
पार्टीको लोकप्रिय मत २८ प्रतिशतबाट घटेर १४–१५ प्रतिशतमा सीमित हुनुमा आफ्नै कार्यशैली र आन्तरिक कमजोरी जिम्मेवार रहेको स्वीकार

: नेकपा एमालेका नेता प्रदीप ज्ञवालीले पार्टीको लोकप्रिय मत २८ प्रतिशतबाट घटेर १४–१५ प्रतिशतमा सीमित हुनुमा आफ्नै कार्यशैली र आन्तरिक कमजोरी जिम्मेवार रहेको स्वीकार गरेका छन् ।

बुधबार नागरिक न्युजको डिजिटल संवाद कार्यक्रम ‘नागरिक फ्रन्टलाइन’ मा सम्पादक बालकृष्ण अधिकारीसँग कुराकानी गर्दै ज्ञवालीले एमालेको कार्यशैली ‘एलिट’ र चुनावका बेला मात्रै जनतामाझ पुग्ने ‘टुरिस्ट’ जस्तो बनेको बताएका हुन् ।

उनले ठूला होटल र मञ्चमा सीमित हुने, जनतासँग अनौपचारिक संवाद नगर्ने तथा चुनावका बेला मात्रै भोट माग्न जाने प्रवृत्तिले पार्टी जनताबाट टाढिएको बताए ।

ज्ञवालीका अनुसार एमालेको तेस्रो केन्द्रीय कमिटी बैठकले पार्टीका पाँच प्रमुख कमजोरी पहिचान गरेको थियो । सत्ता समीकरणमा बढी केन्द्रित हुनु, जनतासँगको सम्बन्ध कमजोर हुनु, जनसरोकारका मुद्दामा प्रभावकारी हस्तक्षेप गर्न नसक्नु, युवासँग संवाद कमजोर हुनु र आन्तरिक एकता कायम गर्न नसक्नु प्रमुख कमजोरी हुन् ।

उनले पार्टी राजसी र सरकारी शैलीमा अघि बढ्दा जनतामा एमाले पनि अन्य दलजस्तै भएको सन्देश गएको स्वीकार गरे ।

विधान महाधिवेशनपछि उमेर हद, कार्यकाल र पूर्वराष्ट्रपतिको सदस्यतासम्बन्धी विवादले पनि पार्टीको आन्तरिक एकतामा असर पारेको उनको भनाइ छ ।

ज्ञवालीले पुराना राजनीतिक दलका नेताहरूबीच एकअर्कालाई कमजोर देखाउने होडबाजीले समग्र राजनीतिप्रति नै नकारात्मक धारणा बनेको बताए । एमाले, कांग्रेस र माओवादीका नेताहरूले एकअर्काको आलोचना गर्दा जनतामा सबै दल र नेता खराब रहेछन् भन्ने सन्देश गएको उनको विश्लेषण छ ।

पार्टीका भेला र प्रदर्शनमा ५० वर्षमाथिका व्यक्तिको बाहुल्यता देखिनुले युवासँग एमालेको सम्बन्ध कमजोर भएको पनि उनले स्वीकार गरे ।

उनले पार्टीका कमजोरी पहिचान गरी सुधार गर्न सके एमाले पुनः राजनीतिक रूपमा स्थापित हुन सक्ने दाबी गरे । ‘कम्युनिस्ट पार्टीका लागि निर्णायक कुरा जनताको समर्थन हो,’ ज्ञवालीले भने ।

प्रतिक्रिया दिनुहोस्
अन्य समाचारहरु
: प्रहरीले रुपन्देहीबाट ठूलो परिमाणमा नियन्त्रित लागूऔषधसहित दुई जना भारतीय नागरिकलाई पक्राउ गरेको छ। लागू औषध नियन्त्रण ब्युरो शाखा कार्यालय भैरहवाबाट खटिएको प्रहरी टोलीले बिहिबार रुपन्देहीको रोहिणी गाउँपालिका–१, सिमरपानीबाट उनीहरूलाई पक्राउ गरेको हो। नियन्त्रित लागु औषध एम्पुल (डाइजेपाम, बुप्रेनोर्फिन र फेनारगन) खरिदबिक्री गर्दै गरेको अवस्थामा प्रहरीले उनीहरूलाई नियन्त्रणमा लिएको ब्युरोले जनाएको छ। पक्राउ ...
। युवा, श्रम तथा रोजगार मन्त्रालय र नेपाल उद्योग वाणिज्य महासंघको संयुक्त आयोजनामा ६ प्रदेशमा ‘सिप तथा रोजगार मेला २०८३’ हुने भएको छ । रोजगार खोजकर्ता र रोजगारदाताबीच प्रत्यक्ष सम्पर्क स्थापित गरी रोजगारी अवसर सिर्जना गर्ने तथा उद्योग–व्यवसायको वास्तविक जनशक्ति आवश्यकता अनुसार दक्ष जनशक्ति विकास गर्ने उद्देश्यले रोजगार मेला सञ्चालन गर्न लागिएको हो । बिहिबार मन्त्रालयमा श्रममन्त्री ...
। टर्किएको अन्ताल्यामा गत कात्तिक २३ गतेदेखि जारी संयुक्त राष्ट्रसङ्घीय जलवायु परिवर्तन सम्मेलन (कोप-३१) मा नेपालले उठाउँदै आएको पर्वतीय एजेन्डाले ऐतिहासिक उपलब्धिको मार्ग खोलेको छ । कृषि, वन तथा पर्यावरणमन्त्री गिता चौधरीको नेतृत्वमा नेपाली प्रतिनिधिमण्डलको सक्रिय कूटनीतिक पहलपछि सम्मेलनको मस्यौदा ‘कभर’ निर्णय (कभर डिसिजन) मा पर्वतीय कार्ययोजना कार्यक्रम (माउन्टेन वर्क प्रोग्राम), कोपको स्थायी कार्यसूची, उच्चस्तरीय राजनीतिक ...
। स्थानीय निर्वाचनको तयारीमा होमिएको श्रम संस्कृति पार्टीले इलाममा पनि गतिविधि बढाएको छ । अध्यक्ष हर्क साम्पाङकै उपस्थितिमा इलाम र पाँचथरको सीमावर्ती क्षेत्रदेखि व्यापारिक केन्द्रहरूमा केही कार्यक्रम भइसकेको छ । ‘हातेमालो तथा श्रमदाता भेटघाट कार्यक्रम’ भनिए पनि पार्टीको उद्देश्य चुनावी तयारी रहेको नेताहरूले लुकाएका छैनन् । चुनावी तयारीकै क्रममा फाकफोकथुम गाउँपालिका, इलाम र पाँचथरको सीमावर्ती पञ्चमी बजार, ...
: धादिङको रुबीभ्याली गाउँपालिका–४ स्थित कलदाङमा बोलेरो गाडी दुर्घटना हुँदा एक महिलाको मृत्यु भएको छ भने नौ जना घाइते भएका छन् । गएराति १:५५ बजे लापाबाट बोराङतर्फ जाँदै गरेको बोलेरो गाडी उकालो सडकमा अनियन्त्रित भई करिब ४०० मिटर तल खसेर दुर्घटना भएको हो । दुर्घटनामा बोलेरोमा सवार १० जनामध्ये रुबीभ्याली गाउँपालिका–४ निवासी अन्दाजी ६६ वर्षीया छेनेन तामाङको ...