मुख्य समाचार
अमेरिकी कृत्रिम बुद्धिमत्ता (एआई) कम्पनी एन्थ्रोपिकको सेयर बजारमा कारोबार सुरु भएको दोस्रो दिनमै उल्लेख्य गिरावट
अमेरिकी कृत्रिम बुद्धिमत्ता (एआई) कम्पनी एन्थ्रोपिकको सेयर बजारमा कारोबार सुरु भएको दोस्रो दिनमै उल्लेख्य गिरावट

: अमेरिकी कृत्रिम बुद्धिमत्ता (एआई) कम्पनी एन्थ्रोपिकको सेयर बजारमा कारोबार सुरु भएको दोस्रो दिनमै उल्लेख्य गिरावट आएको छ । पहिलो दिन उत्साहजनक कारोबार गरेको कम्पनीको सेयर शुक्रबार एकैदिन १२ प्रतिशतभन्दा बढीले घट्दै प्रारम्भिक सार्वजनिक निष्कासन (आईपीओ) मूल्यको आसपास पुगेको हो ।

क्लाउड (Claude) च्याटबोट निर्माता एन्थ्रोपिकले आईपीओमार्फत ८१ अर्ब अमेरिकी डलर जुटाएको थियो । बिहीबार नास्डाकमा कारोबार सुरु हुँदा प्रतिकित्ता सेयर मूल्य १११.५० डलर पुगेको थियो । कारोबारका क्रममा ११५ डलरसम्म पुगेको सेयर पहिलो दिन १७ प्रतिशतले बढेर ९७.१७ डलरमा बन्द भएको थियो । तर शुक्रबार घटेर एक समय ८५ डलर आसपास पुगेको थियो । कम्पनीको आईपीओ मूल्य प्रतिकित्ता ८३ डलर थियो ।

एन्थ्रोपिकको सेयरमा आएको गिरावटसँगै अमेरिकी तथा विश्वका प्रमुख सेयर बजारमा पनि दबाब देखिएको बिबिसिमा उल्लेख छ । शुक्रबार दिउँसोसम्म अमेरिकी एस एन्ड पी ५०० सूचक करिब २.८ प्रतिशत र डाउ जोन्स एक प्रतिशतभन्दा बढीले घटेका थिए । प्रविधि कम्पनीहरूको बाहुल्य रहेको नास्डाक सूचकमा चार प्रतिशतभन्दा बढी गिरावट आएको थियो ।

यस अवधिमा एनभिडियाको सेयर ११ प्रतिशतभन्दा बढीले घटेको थियो । त्यस्तै, टेस्ला र स्पेसएक्ससँग सम्बन्धित सेयरमा ६ प्रतिशतभन्दा बढी, मेटामा पाँच प्रतिशतभन्दा बढी र अमेजनमा साढे तीन प्रतिशतभन्दा बढी गिरावट देखिएको थियो ।

प्रविधि क्षेत्रमा भइरहेको ठूलो लगानीले अपेक्षित प्रतिफल दिन नसक्ने आशङ्काले लगानीकर्तामा चिन्ता बढाएको विश्लेषकहरूको भनाइ छ । पछिल्लो एक वर्षमा केही ठूला प्रविधि कम्पनीले एआई क्षेत्रमा मात्रै एक ट्रिलियन डलरभन्दा बढी लगानी गरेका छन् । यसले एआई क्षेत्रमा वित्तीय ‘बबल’ बन्न सक्ने जोखिमबारे बहस बढाएको छ ।

बजार विश्लेषकहरूका अनुसार लगानीकर्ताले अहिले एआई प्रविधिको सम्भावनाभन्दा पनि कम्पनीहरूको वास्तविक आम्दानी, नगद प्रवाह र नाफा कमाउने क्षमतामा बढी ध्यान दिन थालेका छन् ।

युरोपका प्रमुख सेयर बजारमा पनि गिरावट आएको छ । जर्मनीको ड्याक्स सूचक २.६ प्रतिशत, फ्रान्सको क्याक ४० सूचक १.९ प्रतिशत र बेलायतको एफटीएसई १०० सूचक एक प्रतिशतले घटेर बन्द भएका छन् ।

त्यस्तै, एसियाली बजारमा पनि ठूलो गिरावट देखिएको छ । दक्षिण कोरियाको कोस्पी र जापानको निक्केई २२५ सूचक करिब पाँच प्रतिशतले घटेका छन् । ताइवानको सेयर बजार करिब ६ प्रतिशतले घट्दा सन् १९९० यताकै ठूलो साप्ताहिक गिरावटमध्ये एक भएको समाचारमा उल्लेख छ ।

प्रतिक्रिया दिनुहोस्
अन्य समाचारहरु
। नेपाल घुमफिरमा आउने पर्यटकले पछिल्लो तीन महिनामा २५ अर्ब ५२ करोड रुपैयाँ बराबर खर्च गरेका छन् । नेपाल राष्ट्र बैंकका अनुसार साउन–असोज अवधिमा भ्रमण आय ३२.७ प्रतिशत बढेर उक्त रकम बराबर पुगेको हो । गत आव सोही अवधिमा १९ अर्ब २३ करोड बराबर खर्च गरेका थिए । तीन महिनामा भ्रमण व्यय भने १५.७ प्रतिशत घटेर ५४ ...
। काठमाडौं उपत्यका खानेपानी लिमिटेड (केयूकेएल) ले महसुल बक्यौता रहेका ग्राहकलाई जरिबानामा ९० प्रतिशतसम्म छुट दिने भएको छ । लिमिटेडले २०८३ कात्तिक मसान्तसम्मको बक्यौता महसुल तिर्न आउने ग्राहकको ग्राहक लगत (प्थ्ऋ) अद्यावधिक गरी जरिवाना रकममा छुट दिने निर्णय गरेको हो । लिमिटेडले सार्वजनिक गरेको सूचनाअनुसार २०८३ मंसिर १ गतेदेखि २०८३ माघ मसान्तसम्म बक्यौता महसुल बुझाउने ग्राहकले जरिवाना ...
। वीरगञ्ज भन्सार कार्यालयले चालु आर्थिक वर्षको कात्तिक महिनामा लक्ष्यभन्दा बढी राजस्व संकलन गरेको छ । कार्यालयका अनुसार गत कात्तिकमा १७ अर्ब ७९ करोड रुपैयाँ राजस्व संकलन भएको छ । सो महिनामा १७ अर्ब ६४ करोड रुपैयाँ राजस्व संकलन गर्ने लक्ष्य निर्धारण गरिएको थियो । भन्सार कार्यालयले लक्ष्यभन्दा १५ करोड रुपैयाँ बढी संकलन गरेको प्रमुख भन्सार प्रशासक कृष्णप्रसाद ...
— सरकारले जलविद्युत् आयोजनालाई ५० प्रतिशत भौतिक प्रगतिपछि मात्र सेयर निष्कासन गर्न दिने तयारी गरेको छ । सरकारले ‘लगानी तथा पूर्वाधारसम्बन्धी केही नेपाल ऐनलाई संशोधन गर्ने अध्यादेश, २०८३’ को मस्यौदामा यस्तो व्यवस्था गर्न लागिएको हो । यो मस्यौदा मात्र हो । पछिल्ला दिनमा सरकारले अध्यादेश ल्याउने वा विधेयकमार्फत नै ऐन संशोधन गर्ने निर्णय भने गरिसकेको ...
: उखु उत्पादक किसानले चालु आर्थिक वर्षका लागि सरकारी अनुदानसहित उखुको मूल्य प्रतिक्विन्टल १ हजार २५ रुपैयाँ कायम गर्न सरकारसँग माग गरेका छन्। बढ्दो उत्पादन लागत र महँगीअनुसार उखुको मूल्यवृद्धि गर्नुपर्ने मागसहित किसानले आगामी बिहीबार सरकारसँग औपचारिक वार्ता गर्ने भएका छन्। मूल्यवृद्धि र बाँकी भुक्तानीको विषयमा सहमति नभए आन्दोलनका कार्यक्रम घोषणा गर्ने किसानले चेतावनी दिएका ...