मुख्य समाचार
इरानले अमेरिकालाई आफ्ना सर्त स्वीकार गर्न वा पुनः युद्धको सामना गर्न चेतावनी
इरानले अमेरिकालाई आफ्ना सर्त स्वीकार गर्न वा पुनः युद्धको सामना गर्न चेतावनी

इरानले अमेरिकालाई आफ्ना सर्त स्वीकार गर्न वा पुनः युद्धको सामना गर्न चेतावनी दिएको छ । इरानको इस्लामिक रिभोलुसनरी गार्ड कर्प्स (आईआरजीसी) का प्रवक्ता ब्रिगेडियर जनरल हुसेन मोहेबीले आफ्नो देश कुनै पनि सैन्य परिस्थितिको सामना गर्न पूर्ण रूपमा तयार रहेको बताएका छन् ।

बिहीबार सञ्चारमाध्यमसँग कुरा गर्दै उनले इरान युद्ध र शान्तिबीचको अनिश्चित अवस्था स्वीकार नगर्ने स्पष्ट पारे । अमेरिकाले इरानका सर्त स्वीकार गर्नुपर्ने नभए युद्धमैदानबाटै विवादको टुङ्गो लाग्ने उनको भनाइ छ ।

मोहेबीले पछिल्लो द्वन्द्वपछि इरानको सैन्य क्षमता थप विस्तार भएको दाबी गरेका छन् । इरानले हवाई प्रतिरक्षा प्रणाली बलियो बनाउनुका साथै स्वदेशमै कम्तीमा तीनवटा नयाँ प्रणाली विकास गरेको उनले बताए । ती प्रणाली घरेलु आवश्यकताका लागि पर्याप्त हुनुका साथै निर्यातसमेत भइरहेको उनको दाबी छ ।

इरानले चार हजार ५०० किलोमिटरसम्म मार हान्न सक्ने क्षेप्यास्त्र क्षमता प्रदर्शन गरिसकेको उल्लेख गर्दै उनले आवश्यक परे मध्यपूर्वमा रहेका अमेरिकी सैन्य अखडालाई लक्षित गर्न सक्ने चेतावनी दिए ।

उनका अनुसार इरानले अमेरिकी सैनिक तैनाथी, सैन्य विमानको गतिविधि र सम्भावित सैन्य योजनामाथि निरन्तर निगरानी गरिरहेको छ । अमेरिकी सेनाले पुनः आक्रमण गर्न सक्ने सम्भावनालाई इरानले गम्भीर रूपमा लिएको पनि उनले बताए ।

‘हाम्रोविरुद्ध शत्रुले जस्तोसुकै कारबाही गरे पनि त्यसको जवाफ कम्तीमा तीन गुणा बढी हुनेछ’, मोहेबीले चेतावनी दिँदै भने ।

इरानविरुद्ध आक्रमण गर्न आफ्नो भूभाग प्रयोग गर्न दिने कुनै पनि देश प्रतिशोधको निशानामा पर्न सक्ने उनले बताएका छन् । इरानका बाँध तथा नागरिक पूर्वाधारमाथि आक्रमण भए त्यसको पनि जवाफ दिने उनको भनाइ छ ।

यसैगरी, अमेरिकाले स्थल आक्रमण वा हेलिकप्टरमार्फत सैन्य कारबाही गर्ने सम्भावनालाई समेत इरानले गम्भीरतापूर्वक लिएको जनाएको छ ।

यसअघि फेब्रुअरी २८ मा अमेरिका र इजरायलले इरानका विभिन्न सहरमा संयुक्त आक्रमण गरेपछि इरानले इजरायल तथा मध्यपूर्वमा रहेका अमेरिकी सैन्य अखडालाई क्षेप्यास्त्र र ड्रोनमार्फत लक्षित गरेको थियो ।

अप्रिल ८ मा युद्धविराम लागू भए पनि आणविक कार्यक्रम र प्रतिबन्ध फुकुवासम्बन्धी अन्तिम सम्झौताका लागि भएका वार्तामा अपेक्षित प्रगति हुन सकेको छैन । यही कारण इरान र अमेरिकाबीचको सम्बन्धमा तनाव कायमै रहेको छ ।

इरानले अहिलेको अवस्थालाई स्थायी शान्तिका रूपमा नलिएको स्पष्ट पारेको छ । अमेरिकाले आफ्ना सर्त स्वीकार नगरे क्षेत्रीय द्वन्द्व पुनः चर्किन सक्ने संकेतसमेत इरानी सैन्य अधिकारीको चेतावनीले दिएको छ ।

प्रतिक्रिया दिनुहोस्
अन्य समाचारहरु
रुसले युक्रेनको राजधानी किभमा पुल र रेलवे स्टेसनलाई निशाना बनाउँदै रातभर ठूलो स्तरमा आक्रमण गरेको छ । आक्रमणमा ब्यालिस्टिक क्षेप्यास्त्रसमेत प्रयोग गरिएको थियो । युक्रेनी राष्ट्रपति भोलोदिमिर जेलेन्स्कीले यसलाई युद्ध सुरु भएयताकै सबैभन्दा ठूलो आक्रमणमध्ये एक बताएका छन् । आक्रमणमा कम्तीमा ९ जनाको मृत्यु भएको छ । रुसी राष्ट्रपति भ्लादिमिर पुटिनले यसअघि क्राइमिया पुलमा भएको आक्रमणको बदला ...
। रुसले क्रिमिया पुलमा युक्रेनले गरेको लगातारको आक्रमणको बदला लिएको छ। बिहीबार राति युक्रेनमाथि ४०० भन्दा बढी ड्रोन र ११० भन्दा बढी मिसाइल प्रहार गरिएको छ। यो आक्रमणमा ८ जनाको मृत्यु भएको छ। युक्रेनका राष्ट्रपति भोलोदिमिर जेलेन्स्कीले रुसले आक्रमणमा २७ वटा ब्यालिस्टिक मिसाइलसमेत प्रयोग गरेको बताएका छन्। उनले यसलाई युद्धकै सबैभन्दा ठूला आक्रमणमध्ये एक भनेका छन्। आक्रमणबाट ...
: अमेरिकी राष्ट्रपति डोनाल्ड ट्रम्पले एनभिडियाका पूर्व प्रमुख कार्यकारी अधिकृत (सीईओ) जेन्सन हुआङलाई पुनः जिम्मेवारीमा फर्कने अवसर दिनुपर्ने बताएका छन् । ट्रम्पले हुआङ प्रतिभाशाली व्यक्ति भएको उल्लेख गर्दै उनको व्यक्तिगत र व्यावसायिक जीवनलाई अलग-अलग रूपमा हेर्नुपर्ने बताएका हुन् । उनले हुआङलाई दोस्रो मौका दिनुपर्ने विषयमा चिनियाँ राष्ट्रपति सी जिनपिङसँग समेत कुराकानी गरेको र जिनपिङले पनि त्यसमा ...
रुसी उपविदेशमन्त्री सर्गेई र्‍याबकोभले युक्रेनलाई नेटो सदस्यता दिने कुरा रुसका लागि स्वीकार्य नहुने बताएका छन् । रुसले युक्रेनको सुरक्षा प्रत्याभूतिसम्बन्धी विषयमा छलफल गर्नुअघि नेटो (उत्तर एटलान्टिक सन्धि सङ्गठन) को सदस्यता नलिने आफ्नो मागलाई युक्रेनले स्वीकार गर्नुपर्ने उनले धारणा राखे । सर्गेईले रुस संवादका लागि तयार रहेको उल्लेख गर्दै युक्रेनको नेटो सदस्यताको विषयमा भने कुनै सम्झौता हुन ...
साउदी नेतृत्वको गठबन्धनले यमनको राजधानी सानामा बिहीबार बिहानै हवाई आक्रमण गर्दै हुथी विद्रोहीका ब्यालिस्टिक क्षेप्यास्त्र र ड्रोन क्षमतासँग सम्बन्धित संरचनालाई निशाना बनाएको जनाएको छ । गठबन्धनका प्रवक्ता तुर्की अल–मल्कीले सामाजिक सञ्जाल एक्समार्फत आक्रमणमा हुथी विद्रोहीले क्षेप्यास्त्र प्रक्षेपण प्रणाली र ड्रोनका पार्टपुर्जा निर्माण तथा जडान गर्न प्रयोग गर्दै आएका ६ वटा कार्यशाला ध्वस्त पारिएको जानकारी दिएका छन् ...