मुख्य समाचार
नेपालको राष्ट्रिय स्वाभिमानमा आँच आउने कुनैपनि गतिविधि स्वीकार गर्न नसकिने
नेपालको राष्ट्रिय स्वाभिमानमा आँच आउने कुनैपनि गतिविधि स्वीकार गर्न नसकिने

। नेपाली कम्युनिष्ट पार्टीका सहसंयोजक एवं पूर्वप्रधानमन्त्री माधवकुमार नेपालले नेपालको राष्ट्रिय स्वाभिमानमा आँच आउने कुनैपनि गतिविधि स्वीकार गर्न नसकिने बताएका छन् ।

शनिबार भक्तपुरमा नेपाली कम्युनिष्ट पार्टी जिल्ला समितिले आयोजना गरेको राष्ट्रिय जागरण अभियान उद्घाटन कार्यक्रममा बोल्दै उनले राष्ट्रियता, देशभक्ति, राष्ट्रिय स्वाधीनता, सार्वभौमसत्ता र भौगोलिक अखण्डताको रक्षा अभियानको पहिलो उद्देश्य रहेको बताएका हुन् ।

उनले कुनैपनि सरकारले राष्ट्रिय स्वाभिमानमा आँच पुग्ने काम गर्न खोजे त्यसलाई स्वीकार गर्न नसकिने स्पष्ट पारे । जनतामा देशभक्तिको भावना जगाउने, देशप्रेम बढाउने र आफू नेपाली हुनुको गौरववोध गराउने उद्देश्यले राष्ट्रिय जागरण अभियान सञ्चालन गरिएको उनको भनाइ छ ।

नेपालले राष्ट्रियता र स्वाधीनताको विषयलाई केवल राजनीतिक मुद्दाका रूपमा नभई मुलुकको अस्तित्व, पहिचान र आत्मसम्मानसँग जोडिएको विषयका रूपमा लिनुपर्ने बताए । नेपालको सार्वभौमसत्ता र भौगोलिक अखण्डताको रक्षा गर्नु सबैको साझा दायित्व भएको उनको भनाइ छ ।


‘राष्ट्रिय जागरण अभियानको पहिलो उद्देश्य राष्ट्रियता, देशभक्ति, नेपालको स्वाधीनता, सार्वभौमसत्ता, भौगोलिक अखण्डता र राष्ट्रिय स्वाभिमानको रक्षा गर्नु हो । देशको स्वाभिमानमा आँच आउने कुनैपनि कार्य स्वीकार्य हुन सक्दैन,’ उनले भने, ‘नेपाली हुनुको गौरव र देशप्रेमको भावना जनतामा जागृत गराउनु यस अभियानको लक्ष्य हो । अन्तर्राष्ट्रिय स्तरमा विभिन्न देशमा वामपन्थी आन्दोलनले पुन: गति लिइरहेको छ ।’

पछिल्लो अन्तर्राष्ट्रिय परिस्थितिमा पनि नयाँ परिवर्तन देखिन थालेको उल्लेख गर्दै विश्वका विभिन्न मुलुकमा कम्युनिष्ट तथा वामपन्थी आन्दोलन पुन: सक्रिय हुन थालेको दाबी गरे । ब्राजिलमा वामपन्थी नेता लुलाले राष्ट्रपतीय निर्वाचनमा ६ करोड ५० लाख मत प्राप्त गरी विजय हासिल गरेको उदाहरण दिँदै उनले ल्याटिन अमेरिकाका विभिन्न देशमा वामपन्थी शक्तिहरू अगाडि बढिरहेको बताए ।

त्यस्तै मेक्सिको, बुल्गेरिया, स्पेन, फ्रान्स, इटाली र अमेरिकालगायत देशमा पनि कम्युनिष्ट आन्दोलनप्रति आकर्षण बढिरहेको उनको दाबी छ । विश्व राजनीतिमा देखिएको यस्तो परिवर्तनबाट नेपाली कम्युनिष्टहरूले प्रेरणा लिनुपर्ने उनले बताए ।

नेपालले विश्वव्यापी रूपमा देखिएको परिवर्तनका बाबजुद नेपाली कम्युनिष्ट आन्दोलनका सामु चुनौतीहरू रहेको स्वीकार गरे । तर चुनौतीबाट निराश नभई कम्युनिष्ट आन्दोलनको रक्षा र विकास गर्ने जिम्मेवारी पूरा गर्नुपर्नेमा उनले जोड दिनुभयो । उहाँले राष्ट्रियताको रक्षा गर्नुका साथै जनअधिकारको संरक्षण, जनताका समस्या उजागर र समाजको परिवर्तन तथा रूपान्तरणका लागि कम्युनिष्टहरूले नेतृत्वदायी भुमिका खेल्नुपर्ने बताए ।

‘ब्राजिलमा लुलाको विजयदेखि ल्याटिन अमेरिका, अफ्रिका, युरोप र अन्य देशमा देखिएका राजनीतिक परिवर्तनले नयाँ सन्देश दिएका छन् । यसबाट हामीले प्रेरणा लिनुपर्छ र निराश नभई अघि बढ्नुपर्छ । नेपालमा पनि कम्युनिष्ट आन्दोलनका चुनौतीहरू छन्,’ उनले भने, ‘त्यसैले कम्युनिष्ट आन्दोलनको रक्षा र विकास गर्नुका साथै राष्ट्रियता, जनअधिकार र जनताका समस्याको पक्षमा आवाज उठाउनु हाम्रो जिम्मेवारी हो। समाजको परिवर्तन र रूपान्तरणका लागि सक्रिय भुमिका खेल्दै न्यायपूर्ण समाज निर्माणतर्फ अघि बढ्नुपर्छ ।’

प्रतिक्रिया दिनुहोस्
अन्य समाचारहरु
। नेपाली कम्युनिष्ट पार्टीका नेता एवं पूर्वमन्त्री देव गुरुङले मुलुक संविधान र विस्तृत शान्ति सम्झौताको बाटोबाट बाहिरिएको टिप्पणी गरेका छन् । उनले संविधान खारेज नभए पनि प्रभावकारी रूपमा कार्यान्वयन हुन नसकेको भन्दै अहिले संविधान ‘कोमा’ मा रहेको बताएका हुन् । शनिबार काठमाडौंमा आयोजित नेपाल अन्तर्राष्ट्रिय शान्ति सम्मेलनमा बोल्दै गुरुङले गत भदौ २३ र २४ गतेका घटनापछि ...
। काठमाडौं महानगरपालिकाकी कार्यवाहक प्रमुख सुनिता डंगोलले श्री गणेश र श्री भैरवका लागि छुट्टै निवास निर्माणले जीवित सम्पदा संरक्षणमा महत्वपूर्ण योगदान पुग्ने बताएकी छिन् । शनिबार हनुमानढोका दरबार क्षेत्रमा आयोजित शिलान्यास कार्यक्रममा बोल्दै डंगोलले जीवित देवी कुमारीसँगै गणेश र भैरवका लागि पनि छुट्टै निवास आवश्यक रहेको बताएकी हुन् । उनले इन्द्रजात्रालगायतका सांस्कृतिक पर्वमा जीवित देवीदेवताको रथयात्रा हुने ...
। काठमाडौंको मैपीस्थित एक घरमा कौडा खेलिरहेको अवस्थामा प्रहरीले २४ जनालाई पक्राउ गरेको छ । जिल्ला प्रहरी परिसर काठमाडौंबाट खटिएको टोलीले शुक्रबार राति ९:३० बजे जुवा खेलिरहेको अवस्थामा उनीहरूलाई नियन्त्रणमा लिएको हो । प्रहरीका अनुसार पक्राउ परेकाहरूको साथबाट नेपाली रुपैयाँ ९ लाख ६० हजार ५००, अमेरिकी डलर ४६०, भारतीय रुपैयाँ ५०० र १६ थान कौडा बरामद गरिएको ...
। नेपाली कम्युनिष्ट पार्टीका संयोजक एवं पूर्वप्रधानमन्त्री पुष्पकमल दाहाल प्रचण्डले स्थानीय तह र प्रदेशसभाको निर्वाचन एकैपटक गराउन नहुने धारणा राखेका छन् । संविधान र कानुनको व्यवस्थाविपरीत स्थानीय तह र प्रदेशसभाको निर्वाचन एकैपटक गराउने प्रयास भएको आरोप समेत उनको थियो । शनिबार भक्तपुरमा नेपाली कम्युनिष्ट पार्टी जिल्ला समितिले आयोजना गरेको राष्ट्रिय जागरण अभियान उद्घाटन कार्यक्रममा बोल्दै उनले स्थानीय ...
। काठमाडौंको जनबहालस्थित कनक चैत्य महाविहार (सेतो मच्छिन्द्रनाथ मन्दिर) परिसरमा आयोजना गरिएको महायज्ञमा राष्ट्रपति रामचन्द्र पौडेल सहभागी भएका छन् । जगत् कल्याण र विश्व शान्तिको कामनासहित ५० वर्षपछि आयोजना गरिएको अयूता हुति महायज्ञमा राष्ट्रपति पौडेल शनिबार सहभागी भएका हुन् । उनी प्रथम महिला सविता पौडेलसहित महायज्ञमा सहभागी भएका थिए । आर्यावलोकितेश्वर सुधार समूहको आयोजनामा बिहीबारदेखि सुरु भएको ...