: अन्तर्राष्ट्रिय अन्तरिक्ष स्टेशन (ISS) बाट अन्तरिक्ष यात्री सुनिता विलियम्स र ब्यारी बुच विल्मोरफिर्ता स्थगित गरिएको छ। उनीहरूलाई लिन जाने मिसन क्रू-१० नासाले स्थगित गरेको छ। यो मिसन हिजो अर्थात् मार्च १२ मा स्पेसएक्सको रकेट फाल्कन ९ बाट प्रक्षेपण गरिने योजना थियो।
रकेटको ग्राउन्ड सपोर्ट क्ल्याम्प आर्ममा हाइड्रोलिक प्रणालीमा विफलताका कारण मिसन स्थगित गरिएको हो। बुच विल्मोर र सुनिता विलियम्स विगत नौ महिनादेखि अन्तर्राष्ट्रिय अन्तरिक्ष केन्द्रमा अलपत्र परेका छन्। उनीहरु जुन २०२४ मा त्यहाँ पुगेका थिए। उनीहरु आठ दिनपछि फर्कने योजना थियो।
यी दुवै अन्तरिक्ष यात्री बोइङको स्टारलाइनर अन्तरिक्ष यान मार्फत आइएसएस पुगेका थिए। यो अन्तरिक्ष यान सेप्टेम्बरमा कुनै पनि चालक दल बिना नै पृथ्वीमा फर्किएको थियो।
फक्स न्यूजका अनुसार ISS सँग डकिङ गर्दा स्टारलाइनरमा हेलियम चुहावट र अन्तरिक्ष यान प्रतिक्रिया नियन्त्रण थ्रस्टरहरूमा समस्या आएको जनाइएको छ।
नासाका अनुसार प्रक्षेपणको लागि अर्को समय मार्च १५ मा बिहान ४:५६ बजे पछि हुनेछ।
